The Promenade餐廳

营业中

休息中

可能因為黃埔區比較隔涉，今日嚟食午市自助餐都唔算多人。凍海鮮凍蟹腳夠粗身，但係似乎唔夠新鮮肉質有啲乾身。刺身選擇夠多，不過質素只算一般。肉類燒肉眼扒同羊扒肉質都鮮嫩。另外佢會將肉眼扒近骨嘅部分切出嚟畀人攞，呢個部位雖然唔係啖啖肉，不過肉質就特別幼嫩，我就攞咗用手拎住慢慢食都唔錯。甜品呢度嘅甜品區係重點！首先拿破崙係呢間酒店招牌甜品，一定要試。其他蛋糕質素都好，唔會死甜蛋糕質地又夠鬆軟。另外佢仲有蓮蓉西米布甸同香芋糯米糍呢啲懷舊中式甜品。最後佢嘅雪糕係movenpick，仲有好多口味添。