金滿堂甜品

营业中

休息中

同朋友係九龍灣食完飯，心思思想食甜品，決定行去淘大個邊食返個金滿堂。呢間甜品店出名好食，所以排隊時間都比較長，但絕對值得一等。榴槤女皇($42)濃香的榴槤飄香從侍應端來時已經聞到，而且榴槤肉很豐富，加左少少椰汁令甜品香味更濃，啖啖榴槤肉配合粒粒西米露，令口感更豐盈，正。麥提莎糯米滋搓到圓碌碌的糯米滋感覺很可愛，而且滿佈朱古力粉的誘惑，令甜品大大加分。糯米皮內是原粒麥提莎，加上糯米層好薄，軟林林的薄皮中有著脆脆的麥提莎內脆外軟滿足了筆者的口感，值得一試。