麥當勞 (天平商場)

营业中

休息中

將軍回歸，今日就去試下，遇著放學潮成間餐廳全部係小學同幼稚園學生及家長，好似幼稚園課外活動開餐咁，細路四圍走，大人大聲傾談，街市一樣！普通麥當勞格局！地方都算乾淨！咁多人都只係開一個櫃檯，好在店員落單買食物好爽手，所以好快就攞到食物！搵個落地玻璃向馬路開揚二人位慢慢嘆！將軍漢堡：自己對將軍漢堡嘅醬汁一般，因為味道太甜，食唔出咸味！今次生菜絲又唔多，中和唔到甜味！麵包鬆軟！如果好似之前將軍玉子漢堡有雞蛋會平衡啲！紅豆批：外皮香脆，可惜紅豆餡太甜！薯條：新鮮炸起，夠熱唔乾，點茄汁好正！熱朱古力：食咗之前嗰幾樣，已經好甜！所以到呢一樣已經好甜！飲唔晒！呢餐幾樣食物都好甜！甜過漏！平衡唔到！其實分開來食味道係正常！只係自己嘅配搭唔好！