巷仔冰室 (已結業)

今晚黎到巷仔冰室，之前黎過呢到食，味道唔錯，今次再黎試下。.我地嗌左份西冷配意粉、吉列豬蛋包飯同大啡菇。首先講下份西冷，嗌左5成熟，都真係5成熟，唔會太老。雖然佢冇乜牛味，但肉質唔錯。佢呢到配番茄味意粉，唔係配冇味意粉。.個吉列豬蛋包飯都幾好味，似$60貨仔，因為個蛋唔算滑，仲有蛋殼碎。但入面個飯係加左牛油同菇炒，幾香。吉列豬都有味，唔會太乾。.另外我地嗌左個大啡菇，有兩隻味，一隻肉醬一隻煙肉，普通貨仔，個菇幾juicy。.佢dinner會包湯同野飲，白湯係磨菇湯，鹹左啲。我地嗌左杯凍檸茶，飲落啲茶味少少澀，同埋好淡，應該係茶底麻麻。..我諗再黎嘅原因應該係夠靜坐得舒服。