影片
更多
2025-08-30
0 浏览
靚、chill、咖啡，就係”不苦”。而家嘅咖啡店，並唔係得個靚字就得。除咗打卡，更重要嘅係嘢食(特別係咖啡)嘅水平同環境，以上缺一不可。而呢間喺鰂魚涌嘅”不苦”分店，就做到晒以上嘅嘢。而且，呢度係可以叫”set”，即係以main價錢，會包一個湯，嘢飲-$20，至於小食同甜品亦有一定減幅。考慮到所有嘢都可以打卡，其實呢個價錢幾合理。香煎海蝦龍蝦汁捲捲意粉 $148捲捲意粉喺呢度嘅招牌。呢個唔算太掛汁嘅意粉類型，但可以做到乾身之餘，龍蝦汁亦幾夠味。烤安格斯封門牛柳配黑松露惹菌汁伴薯菜 $258份量唔少嘅牛柳，最重要當然係成熟度嘅控制良好。除咗牛柳本身夠牛味亦有咬口，我個人係欣賞啲蔬菜，烤得幾香口，唔會煮過龍，份量亦多。和風明太子炸薯條 Set+$48呢個並唔係淨係炸薯條加明太子汁，佢另外會提供咗啲木魚碎，所以係幾有日式風味。脆炸海苔魷魚 Set+$48除咗本身魷魚夠脆，海苔亦有一定調味作用，魷魚爽口，冇煮過龍。維也納咖啡 Set+$38所謂維也納咖啡就係加咗鮮奶油或者奶泡嘅咖啡，呢度嘅維也納咖啡種類係Einspänner。除咗本身嘅奶泡同鮮奶油十足，佢個咖啡底質素要非常重要。個人認為呢度個
而家嘅咖啡店，並唔係得個靚字就得。除咗打卡，更重要嘅係嘢食(特別係咖啡)嘅水平同環境，以上缺一不可。而呢間喺鰂魚涌嘅”不苦”分店，就做到晒以上嘅嘢。
而且，呢度係可以叫”set”，即係以main價錢，會包一個湯，嘢飲-$20，至於小食同甜品亦有一定減幅。考慮到所有嘢都可以打卡，其實呢個價錢幾合理。
香煎海蝦龍蝦汁捲捲意粉 $148
捲捲意粉喺呢度嘅招牌。呢個唔算太掛汁嘅意粉類型，但可以做到乾身之餘，龍蝦汁亦幾夠味。
烤安格斯封門牛柳配黑松露惹菌汁伴薯菜 $258
份量唔少嘅牛柳，最重要當然係成熟度嘅控制良好。除咗牛柳本身夠牛味亦有咬口，我個人係欣賞啲蔬菜，烤得幾香口，唔會煮過龍，份量亦多。
和風明太子炸薯條 Set+$48
呢個並唔係淨係炸薯條加明太子汁，佢另外會提供咗啲木魚碎，所以係幾有日式風味。
脆炸海苔魷魚 Set+$48
除咗本身魷魚夠脆，海苔亦有一定調味作用，魷魚爽口，冇煮過龍。
維也納咖啡 Set+$38
所謂維也納咖啡就係加咗鮮奶油或者奶泡嘅咖啡，呢度嘅維也納咖啡種類係Einspänner。除咗本身嘅奶泡同鮮奶油十足，佢個咖啡底質素要非常重要。個人認為呢度個咖啡底先係佢嘅價值，相當香濃，甘香無比。
(凍)小山園抹茶拿鐵 Set+$37
雖然並冇咖啡成份，但呢個抹茶latte做出分層效果，仍然係打卡味十足。不過佢糖分喺底，飲之前要先攪勻。
Tiramisu Set+$48
相當靚嘅Tiramisu，食落去質素亦高。雖然酒味唔算好濃，但佢嘅奶油做得好滑，咖啡粉嘅份量亦適當。手指餅浸到有少少麵包嘅質感。
開心果芝士蛋糕 Set+$48
個人相當欣賞嘅甜品，不愧喺呢度嘅signature。開心果同芝士味各佔一半，並冇其中一邊獨大。而且兩種味道都有發揮空間，芝士味同開心果味同樣突出。我小朋友一陣就秒殺咗佢，我哋幾乎冇得食😵💫。
呢間可以話係Chill chill哋，咖啡質素良好，食物又唔錯嘅咖啡店，難怪就算喺傳統商業區，星期六嘅晚上都係滿客，而且要排隊！下次要試吓佢啲手沖咖啡，話晒呢度都有咖啡豆可以直接買走。
张贴
