樂天皇朝 (利舞臺廣場) (已搬遷) 新店位置

能夠令食客，食個lunch都到有氣派，《樂天皇朝》做得到，果然無改錯名，單看門面與室內裝潢已經很有皇朝風範💪🏼而且並非得個樣，食物質素也相當高汁💦兩條麻甩佬食唔多，一籠「特色皇朝小籠包」、「上海風味醬鴨」、「蟹粉炒飯」，以及兩杯「檸檬薏米水」。呢籠小籠包，八種顏色，八款口味，雖說食小籠包要點醋，但呢個八色小籠包我就唔建議點醋，因為醋味太霸道，會搶走咗川味、蒜香、芝士、蟹粉、黑松露等等小籠包嘅口味。溫提，小籠包熱辣辣，食嗰陣要小心燙嘴。「上海風味醬鴨」真心推介，極濃醬油味，口感同口味都有啲似食臘味，香口好下飯。本身個飯唔使餸都好好食，「蟹粉炒飯」喎，鋪滿蟹粉醬汁，蟹膏味相當濃烈，無論嗅覺定味覺都得到刺激，食落每啖飯都好似食緊肥美蟹膏咁，唔講少好足料。👍🏾我就好少講飲品嘅，但杯檸檬🍋薏米水，養生有營養仲要好飲，值得一提。