Lagom Kaffe (已結業)

周日假期約左舊同事一聚，佢搵左位於觀塘的#Lagom Kaffe。鋪進入就覺得環境唔錯啊，首先裝修別緻，仲有室內同室外可選擇，被安排近露台位置，坐得舒服，同時又可以望到出面，觀感開揚，令人感覺舒適😌寫意。點了2款主食共享，✴️辣汁大蝦🍤 扁意粉🍝，需要澱粉質的舊同事叫的，有2只爽口彈牙的大蝦🍤，秘製辣汁少許辣幾惹味，意粉🍝咬落煙韌又掛汁，很有水準啊！ ✴️燉牛面頰配松露醬薯蓉🧆，
牛面頰好少地方食得到，於是我就點了這款，食落很有驚喜，牛味重又非常嫩滑軟淋，松露薯蓉質感creamy很正，大家都覺得冇點錯。 ✴️ 抹茶🍵鮮奶，抹茶控的我覺得好好飲，濃厚綠茶味，飲落順滑而且唔會好甜。✴️西柚粒粒芒果🥭梳打，舊同事說很清新又解渴。✴最後叫番個即叫即制嘅梳乎厘先至完滿，梳乎厘底面都有些微焦面, 軟綿綿很有空氣感, 夾埋配上的忌廉一併食更滋味😚。 
食飽後見時間尚早，故去左海濱公園，行下消化下，欣賞下美景先回家lu 😊。