鍋先生火鍋料理 (已結業)

無意中發現山林道有新火鍋店，一向喜愛好邊爐嘅我抱住貪新鮮嘅心態，反正又未諗到食乜就走上去試試。可能我上去嘅時間尚早嘅關係，唔洗點等位侍應好快安排我地入座。裡面地方寬敞，採用紅黑格調，店內仲會放音樂，坐落就已經好舒服，再黎仲發現佢設有獨立VIP房。講返食物，我地叫左番茄蟹鍋（因為我超中意食蟹），蟹鍋鮮甜不在講，番茄味仲好濃郁，好似一鍋濃縮嘅番茄湯一樣，而我直覺係因為呢個鍋令到其他食物都份外鮮甜，唔洗點豉油都夠味。而好好人嘅經理（我諗應該係掛，因為得佢冇著制服）就介紹我地佢地嘅特選本地肥牛、聖子同佢地自家制嘅響鈴同雲吞王，另外我地再叫左個雜菜拼盤、海中蝦同牛丸。先講本地肥牛，經理話每日返貨唔會多，因為唔知係牛嘅邊部份（佢講過但我唔記得左喇），而呢個部份切出黎嘅牛肉一隻牛只得幾斤，所以賣晒就無架喇，而佢亦都真係無介紹錯，牛味濃而且唔靭，呢個要必點👍🏻。聖子新鮮，但我覺得食完佢已經有啲飽，因為真係好大隻。自家制響鈴同雲吞果然無呃人，自家就係不同凡響，響鈴無出面火鍋店果陣油益味，而且一啲都唔油，放落湯度浸一陣，食落去，響鈴索滿湯汁，但裡面依然脆脆的，呢個超讚👍🏻👍🏻。而雲吞並不同於出面食到嘅，成