影片
更多
2018-06-27
63 浏览
今日同朋友去街，咁啱講起我上個禮拜食左泰菜，點知佢地又想食，所以今次係去左九龍城嘅小曼谷🤣可能我地時間尚早，去到都仲有位唔洗等，店員安排左卡位比我地，坐得好舒服～遲多半個鐘嚟就開始要等位喇😳由於實在好肚餓嘅關係，我地嗌左都唔少野食～首先，我地嗌左個香芒蟹肉炒飯🦀 份量都幾多，我地四個每人一碗都仲有淨。炒飯夠鑊氣，芒果炒熱左仲非常鮮甜添！配埋肉鬆食，整碟飯加分左不少🤪不過如果蟹肉多返啲就好喇，因為食落都唔係好覺有好多蟹肉🤨泰國菜又點少得冬蔭公湯呢～我地嗌左大size，上枱時碗湯下面仲點著個火架～所以飲落都好夠熱。食埋啲蝦同埋菇，啲辣味仲出哂嚟。呢個湯酸辣味道適中，調教得啱啱好，所以好好味啊👍🏼另外仲炒左個鐵板豬頸肉通菜。呢碟菜味道唔鹹，豬頸肉又唔太肥，用鐵板上仲要非常型添🤣平時食泰國菜都唔會食牛排，但見餐牌寫住推介😲就點埋佢🤣估唔到原來咁有驚喜！牛排大概5-7成熟，入面仲係粉紅色生生地，食落完全無血腥味，而且一啲都唔韌！佢燒嘅時候上面點左啲醬汁，所以好入味 🥩呢塊西冷牛小排真係好推介👍🏼我地諗住叫隻海南雞唔會好大份，所以嗌左一隻，但上枱時份量多到嚇親～一隻心型碟只係半份，所以呢到係我同朋
可能我地時間尚早，去到都仲有位唔洗等，店員安排左卡位比我地，坐得好舒服～遲多半個鐘嚟就開始要等位喇😳
由於實在好肚餓嘅關係，我地嗌左都唔少野食～首先，我地嗌左個香芒蟹肉炒飯🦀 份量都幾多，我地四個每人一碗都仲有淨。炒飯夠鑊氣，芒果炒熱左仲非常鮮甜添！配埋肉鬆食，整碟飯加分左不少🤪不過如果蟹肉多返啲就好喇，因為食落都唔係好覺有好多蟹肉🤨
泰國菜又點少得冬蔭公湯呢～我地嗌左大size，上枱時碗湯下面仲點著個火架～所以飲落都好夠熱。食埋啲蝦同埋菇，啲辣味仲出哂嚟。呢個湯酸辣味道適中，調教得啱啱好，所以好好味啊👍🏼
另外仲炒左個鐵板豬頸肉通菜。呢碟菜味道唔鹹，豬頸肉又唔太肥，用鐵板上仲要非常型添🤣
平時食泰國菜都唔會食牛排，但見餐牌寫住推介😲就點埋佢🤣估唔到原來咁有驚喜！牛排大概5-7成熟，入面仲係粉紅色生生地，食落完全無血腥味，而且一啲都唔韌！佢燒嘅時候上面點左啲醬汁，所以好入味 🥩呢塊西冷牛小排真係好推介👍🏼
我地諗住叫隻海南雞唔會好大份，所以嗌左一隻，但上枱時份量多到嚇親～一隻心型碟只係半份，所以呢到係我同朋友兩個人一齊食，另外兩個朋友再自己食一碟🤣雞非常嫩滑，無咩骨又易咬，點埋碟醬食就好有雞味😳不過下次都係嗌半隻就夠喇～
唔好以為已經食曬啲野⋯⋯其實仲有條明爐烏頭魚🐟隔離仲有一碗湯，係比你一路燒條魚一路加啲湯上去。條魚都幾滑～但食落唔係好夠味，連埋啲肉碎食會好啲🤪
飲品方面，餐牌推介住「椰青波波」，我見好似幾得意，就點左嚟飲下🤤原來佢係將食個椰青批左個皮，起左啲椰肉，入面盛住啲椰青水，感覺好特別🤣重點係唔洗自己扢啲椰肉嚟食，啱哂我呢啲懶人😝
總括嚟講，呢間泰國菜價錢合理，食物質素都幾好，好啱同朋友或者屋企人一齊過嚟食飯啊！👍🏼
张贴
