八哥主題餐廳 (已結業)

你好，今日我帶大家到尖沙咀嘅一間餐廳本人覺得非常好食，所以介紹畀大家知，呢間餐廳係位於尖沙咀市中心，非常近住the one嘅 ，而且樓上鋪擁有落地玻璃晚上望住啲人行街，自己涼住冷氣喺度嘆咖啡感覺非常一流 今次小弟叫咗一個主菜，安格斯西冷牛扒，牛扒非常嫩滑亦都唔會太生，因為如果你食安格斯，一般嚟講係一大塊嘅，好多時廚師會煮到外脆內有血滲嘅情況 ，但呢間餐廳佢將安格先預先分成三個小件，所以就算叫七成熟，牛扒都可以煮到好淋但係唔會有血滲出嚟，非常非常好食，配埋側邊嘅即炸薯條，好味到不能形容 主菜可以跟餐，跟餐會有一杯飲品，湯仲有多士，我就叫咗一杯咖啡係mocha，雖然佢未能做到拉花咖啡，但係上面有佢哋門面嘅標誌（狗狗一隻）用一啲可可粉show出嚟嘅標誌，亦都非常之有特色 多士同一般出面嘅唔同，我雖然唔知佢係用法包定義大利包，但係呢個多士係非常非常非常好食，千祈唔好怕食飽咗，一定要將呢個多事食曬佢，因為實在太好味啦 另外我叫咗一個小食 係黑松露薯蓉，黑松露嘅味非常之香，而且薯蓉打得好滑配合得好好味 最後我都叫左個小甜品就係歌劇院蛋糕，歌劇院蛋糕味道係非常好 但係小小嘅瑕疵係，歌劇院蛋糕原本應