酒鍋 (V Point) (已結業)

經過朋友介紹下，專程去到銅鑼灣試吓傳說中嘅「酒鍋三十度風味歡樂時光套餐」，一個價錢就可以享有唔同嘅美食，任飲飲品。首先來一個火鍋湯底「四國豐味」，湯底賣相非常吸引，遠處已經聞到唔同嘅火鍋味道，有辣有唔辣，而且每一本火鍋入面都有配料，例如牛肉湯火鍋入面就有牛肋骨，煲到林晒之後食簡直無得頂。係等火鍋配料之際，先來個套餐中的「小食頭盤」包括豬頸肉、炸雞翼、炸青椒、同埋蝦滑油炸鬼。豬頸肉燒得好香，而且唔熱氣，口感彈牙爽口，一口氣食咗幾片。「掛架頂級美國安格斯牛頸脊」同埋「日本黑毛豬腩肉」係我最鍾意嘅火鍋配料之一，兩款食物賣相吸引，特別係牛頸脊，好似陳列品咁一條條掛在木假上面，好唔捨得食。黑毛豬腩肉條紋半肥瘦，非常平均，所以咬落去好有口感，有好新鮮嘅豬肉味道。餃子佢每一款都好大隻好足料，特別係「洋蔥豬肉蛋餃」，出面都好少食到呢一款嘅餃子，味道幾特別，洋蔥豬肉再match蛋，食落去有唔同嘅口感味道，味道新鮮，再點小小辣椒豉油，更為滋味。除此之外，火鍋套餐中嘅其他配料包括「鮮蝦水餃」、「菠菜皮韭菜餃」、「酒鍋黑啤熊」、「脆皮芝士腸」、「稻庭烏冬」、「蔬菜」同埋「雜菌拼盤」同埋「即炸手工響鈴卷」都好新