神輿日本料理 (已結業)

而家放題開到周圍都係,而且間間都差唔多,想要突圍而出就要諗啲新意思,而神輿就十分清楚香港人去日本多過返鄉下既特性,從個裝修入手,呢度既裝修真係好有日本感覺,好似神社,而且仲有好多繪馬掛係度,而且門口仲幾個鳥居排住係度,真係岩晒鍾意影相打卡同日本既香港人呀！食物方面,神輿亦唔會令你失望,食物種類多之餘,質素亦都好好,刺身選擇唔少,最鍾意食既都有,油甘魚同帶子既質素就最好,帶子又大粒又新鮮,壽司既質素就同出面差唔多,不過就比平時放題既大舊啲,呢度既爐端燒係呢度最值得推薦架,質素係非常好,一口牛係牛同牛之間仲有車厘茄,兩樣一齊食係好爆汁,調味亦非常好,黑椒豚肉串都好好食,豬味好濃,加埋黑椒就更香口,而呢個芝士焗虎蝦都係必叫,個樣好似龍蝦,不過都真係好大隻,芝士醬好滿,好香芝士味,而個蝦都好多肉,好食,之後再Encore左幾次呀。呢間放題無論係環境定食物都好高質素,掛住日本就可以黎呢間食,頂下個癮先啦。