犇之食堂 (已結業)

之前行經已經俾哩間食店既環境吸引左，今次黎銅鑼灣食晚飯就黎左一試。雲石、木枱、 植物盆栽哩d元素加埋就好文青，店內裝修好有風格，靚！店名真係好特別，我好奇到上左google check 三個牛字加埋係點讀😂 哩度賣既係台灣野，選擇都幾多。宜蘭鹽酥雞滷肉飯 $68鹽酥雞炸到金黃色好吸引！外皮炸到乾值身但雞肉仍然保存左肉汁。個滷肉飯好味呀，滷肉份量都好多，好香，好開胃，食慾大增！台式芋圓 $36一款台灣地道既糖水，細細粒芋圓絕對係真材實料，食到地瓜同芋頭蓉，甜度岩岩好，個黑糖糖水好味。香芋奶綠 $26有粒粒芋頭食到嫁好特別！香芋奶好香濃，下層有到微甘既綠茶好飲呀！三寶麵 $86有齊牛腩、牛根、牛肚既麵，麵條彈口，牛腩好林，非常好味，湯底係微辣既，睇得出名家用心烹調既一碗麵。炸花枝丸 $38好大粒！炸到金黃色，一咬開超熱，好彈牙食到粒粒墨魚，推介必食的小吃。