紫醉軒 (已結業)

呢度走西餐既格局，但原來係中菜crossover 酒吧真係估佢唔到，環境幾有氣氛同埋坐得舒服。先黎個玫瑰花茶，d 玫瑰花鋪滿晒成個茶壺，真係勁誇張,玫瑰味好香。✨薑蔥生蠔煲：超耐無食過，先試條蔥個汁已經好惹味🤤。個蠔都幾大幾隻，炸粉薄薄一層唔會勁厚，食落微微脆，同埋蠔味好濃，juicy 唔腥，一煲有七隻。✨其靈龍躉球：原來呢個餸係蒸既，一片片既魚肉夾住冬菇同埋金華火腿. 加左金華火腿，魚既咸鮮味好突出，冬菇都入晒味。連個蛋白茨都好鮮味同滑溜。不過金華火腿就咁食都幾咸，配菜心同送飯食就啱啱好。✨花雕醉雞煲：個湯底酒味都幾濃，煲完雞之後飲好正， feel 到好滋補。個雞煲左一陣，但都已經入晒酒味，d 肉仲好嫩。