L'attitude (已結業)

Cafe 位於尖沙咀金馬倫道旺區,餐廳雖然門面唔太起眼，但室內環境佈置好有清新少女嘅氣息，仲出埋自己品牌嘅公仔。 食物黎講呢度確係可以。呢碟帶子羽衣甘藍意粉， 賣相非常討好，帶子燒得香，肉質軟淋。意粉帶住淡淡嘅青新羽衣甘藍香味，唔過鹹亦唔會膩。 芒果他他其實做到好似一個沙律咁，加埋啲牛油果同其他蔬菜 一齊食，味道口感好獨特，牛油果芒果都好新鮮，唔錯唔錯。 蜜汁雞翼做到外脆內嫩，雞肉完全係滑，亦唔會太過濃味， 甜甜地發揮超出色。 最後當然唔少得依度啲甜品啦。甜品做得很有特色，上面一大嚿粉紅色棉花糖，而下層杯裝雪糕 加百力滋，女士看見無不歡喜，抵讚。價錢坐落喺尖沙咀黎講，唔算好貴。又可以 打卡，又有高質素美食，值得既。