尚蓮越泰餐廳

营业中

休息中

去開東涌做野, 就去東薈城搵野食, 見到呢間環境同野食好似都幾好,就上去睇下有冇位。好好彩, 間舖夠大, LUNCH 唔使等都有位。馬拉盞炒通菜$34-正常野, 份量都夠大。菠蘿豬頸肉, 蝦粒炒飯$88個炒飯好鑊氣, 值得叫黎食, 同埋大大碟, 同人SHARE 都好夠食。泰式鮮蝦炒金邊粉$80呢個我就覺得唔夠調味, 粉本體就好食既, 唔會痂埋一齊, 放左陣都係條條分明。泰式黃咖哩牛舌, 牛筋配白飯$86裡而既牛好出色, 唔係碎件上, 係成條上 跟係野飲可以唔使叫熱綠奶茶, 飲落係香薰味見人地杯凍玫瑰奶茶就好靚, 下次要叫凍飲。呢度既環境真係好舒服, 2邊都有落地大窗, 夠光猛。