帝寶星西餐廳 (已結業)

昨日下午，要陪個坡仔食Lunch，因為坡仔趕住要飛，就近近地搵間公司附近的西餐廳食。試下呢間啦，反正開左咁耐都冇幫襯過。這裡幾開揚的，路過的行人可以睇晒餐廳裡面的情況。四條友，揀左個近門口位，睇唔到海景。佢地三個人都是呵打了魚柳肉鬆飯，我就叫左個磨菇肉丸意粉。唔知個魚柳肉鬆飯掂唔掂，但睇個份量好似細左d。我的肉丸意唔錯，肉丸大大粒，且食落不易散開。而個意粉就幾彈牙，煮得幾入味。另外有個蘋果批的甜品，就太甜太溜，不太接受。如果你係路過見到這裡，睇落環境係唔錯的，但坐落就覺麻麻，都幾嘈下。