影片
更多
2012-09-12
2862 浏览
因為老公生日, 又見到團購網做promo, 地點方便, 仲要咁既價錢有生蠔呢d野食, 好開心咁同老公去預祝生日。 好可惜, 佢地既環境衛生同服務水平, 令人好失望....我地5:50pm到達, 被分配到近門口有植物係附近既位置, 好守規咁坐到六點先至去攞野食, 初初都冇咩野, 仲係度諗野食雖然唔係想像中咁多款式, 不過$198+正價10%咁既價錢, 佢提供既野算係咁架啦, 可以接受既, 野食質數係ok既, 但係...攞完第一次野食返埋位, 我開始發現左手被野咬, 紅左, 都冇理到, 再去攞多次野食返到埋位, 我發現個背脊愈來愈痕, 叫老公睇下, 發現已被咬左幾野, 紅腫痕! 係呢毎時候我地留意d睇下, 係有d細細隻既黑色野係度飛黎飛去, 我地即時同侍應反映, 佢都即刻去請示上級幫我調左位, 呢樣野我好感謝佢, 但係我實在太痕, 咁就問佢地有冇薄荷膏可以借黎查下, 問左好幾次得到既答案都係"我地冇藥膏!", 但係冇人講點解冇, 仲要個d睇得出係高級一d既職員係點都唔會行近我張枱, 好似驚我地揾佢咁.係呢個時候, 我地唯有打電話去酒店既電話求救,個自稱係餐部經理既人先至黎問咩事, 我再問佢
我地5:50pm到達, 被分配到近門口有植物係附近既位置, 好守規咁坐到六點先至去攞野食, 初初都冇咩野, 仲係度諗野食雖然唔係想像中咁多款式, 不過$198+正價10%咁既價錢, 佢提供既野算係咁架啦, 可以接受既, 野食質數係ok既, 但係...
攞完第一次野食返埋位, 我開始發現左手被野咬, 紅左, 都冇理到, 再去攞多次野食返到埋位, 我發現個背脊愈來愈痕, 叫老公睇下, 發現已被咬左幾野, 紅腫痕! 係呢毎時候我地留意d睇下, 係有d細細隻既黑色野係度飛黎飛去, 我地即時同侍應反映, 佢都即刻去請示上級幫我調左位, 呢樣野我好感謝佢, 但係我實在太痕, 咁就問佢地有冇薄荷膏可以借黎查下, 問左好幾次得到既答案都係"我地冇藥膏!", 但係冇人講點解冇, 仲要個d睇得出係高級一d既職員係點都唔會行近我張枱, 好似驚我地揾佢咁.
係呢個時候, 我地唯有打電話去酒店既電話求救,個自稱係餐部經理既人先至黎問咩事, 我再問佢有冇藥膏可以借黎查, 個答案都係"我地冇藥膏".....我再問: "咁你咁大間酒店, 我係度被野咬到腫左, 又勁痕, 你係咪應該可以幫我諗下辦法呢? " , 跟住佢又話因為怕我查藥膏會敏感喎, 我地話:"其實我想問你攞支藥查下止痕, 咁你咁驚我敏感, 我又咁痕, 咁要唔要揾個醫生睇睇呢?" 係呢個時候佢又即時話可以安排就閃左....等左一段時間, 有位侍應小姐俾左支無比膏我, 之前個經理亦冇再黎跟進啦.
係呢個情況, 我只係想同佢地公司反映, 再打一次電話去酒店既總機, 佢地個值日經理覆我, 我話佢知今日係佢餐廳發生咁既事, 其實係想佢地留意下, 佢未聽清楚我講野, 就只係話:"我地同事買緊藥啦", 咁我同佢講我查左藥但係想同佢地反映下, 佢就話:"咁多客係度食野, 得你一個人話有野咬咋喎", 聽完呢句真係火都黎埋, 我都想知點解d野只咬我又唔咬其他人, 我老公都冇被咬.
之後叫左佢落黎餐廳傾同埋睇下個個背脊, 再俾埋張相佢, 我地同佢講我地冇話要claim佢地d咩, 亦都冇啦啦唔會屈佢地公司, 佢就話酒店既First-aid Box 唔會有呢d藥, 又因為d咩安全理由怕你敏感所以唔俾藥你查, 咁我問佢, 既然你地咁關心怕我敏感, 我問你地係咪咁係咪要揾醫生時你地又會買到支藥黎既?" 佢又話: "同埋我地冇收到其他客人話有野咬喎..." 咁我問佢:"洗唔洗揾個醫生檢查下我係咪真係被野咬, 同埋揾埋食環署黎睇下係咪真係有野飛,咁你地先至相信我係度被野咬呢?" 結果最後佢話佢唔係唔信喎, 會同同上頭反映喎, 一個星期後覆我地喎, 唉!
题外话/补充资料：
我就係同老公影完完食完d相入面見到個d野食都冇晒心機再影啦.....
(以上食记乃用户个人意见 , 并不代表OpenRice之观点。)
张贴
