新福星潮州打冷火鍋菜館

一家三口平均每星期去1-2次，次次都係叫我哋過隔離房又冇窗又迫，我同2位老人家坐最後張細檯，今次叫蠔餅份量多次次都食唔晒咁滯/蠔仔粥一鍋足料/鵝片拼大腸暖暖哋上檯送可樂一流/炒花甲（炒花甲雖然大隻又多但好多沙），之前仲叫過瀨尿蝦比較細隻味道夠鑊氣，椒鹽鮮魷都好多舊

最慘突然間食食吓整間房煙霧彌漫，原來門口入嚟張檯有3個男人抽煙，因為老人家有氣管敏感，我哋叫侍應可唔可以請佢整熄枝煙或者出去行遠啲食，眼見侍應行2轉想冇叫，我再問同一個問題，佢話唔方便叫！我哋即刻埋單！以後都唔會再去了！真係好失望，明明室內禁煙，點解好似我哋先有問題。