香馥樓

营业中

休息中

鮑魚竹笙灌湯餃個湯熱辣辣，有兩大條竹笙同一隻鮑魚，好足料。入口清甜，口感鮮明。金沙涼瓜炒得好香，涼瓜唔苦，厚度剛剛好，可以保留到Juicy嘅感覺，而又可以炸得通透。每一條都黐滿鹹蛋黃，仲有碟喼汁提供，可以解下膩。紅米春風得意腸呢碟好欣賞，腸粉好滑，入面炸得好脆口，除咗蝦之外，佢仲放咗好多馬蹄，成個口感好好。呢碟都提供咗千島醬，任君選擇。鮑魚雞肉燒賣呢碟味道正常發揮，但係鮑魚大大隻，金箔大大塊，好足料，打卡一流。