影片
更多
2019-09-13
1456 浏览
今日一大清早同屋企人去咗新開嘅八月花飲茶，酒樓裝修夠晒光猛舒適，住東涌嘅人都知道呢個鋪位前身都係酒樓，以前多遊客嘅時候起碼最少15分鐘先入到去，今日唔洗等🥳點心款式都算多嘅，不過價錢就貴左少少，都係旅遊區收費，因為張紙太長，都係介紹返今日叫咗既菜式。平時食慣菠蘿叉燒包，今次特別啲，外面係菠蘿入邊都係菠蘿，菠蘿包面層上枱仲係脆卜卜熱辣辣，而麵包就好軟熟。雖然幾有噱頭，不過我就嫌佢個餡多咗啲，稍為甜過頭，而且入邊類似果醬嘅菠蘿盒口感同麵包唔夾，就好似食緊揸左勁多果醬嘅麵包一樣。too much 🙄都係整返菠蘿叉燒包鹹鹹甜甜咁仲好啦。炸雲吞好味，啱啱乍起脆卜卜，蝦肉鮮甜嫩滑，配埋個甜酸醬開胃！不過炸野係會油，怕肥唔好食喇🥴去飲茶我必點嘅鳳爪排骨飯，份量同其他茶樓咁上下，不過呢度嘅飯就比較乾身，飯粒分明，排骨半肥瘦更滑溜，整體都ok 但未致於好好食。豉汁蒸鳳爪，雖然味道比較鹹咗啲，不過冇雪藏味，又唔會蒸過時，值得一試！炸両啊，炸両最緊要油炸鬼仲係保持脆身！佢既油炸鬼係即炸但硬到咬損個嘴，雖然個腸粉皮係做得幾薄又幾滑，不過一夾就散。鹹水角都係即叫即炸，入邊都係用肉碎，蔥，蝦米造成，幾香幾好味！雞
今日一大清早同屋企人去咗新開嘅八月花飲茶，酒樓裝修夠晒光猛舒適，住東涌嘅人都知道呢個鋪位前身都係酒樓，以前多遊客嘅時候起碼最少15分鐘先入到去，今日唔洗等🥳
點心款式都算多嘅，不過價錢就貴左少少，都係旅遊區收費，因為張紙太長，都係介紹返今日叫咗既菜式。
平時食慣菠蘿叉燒包，今次特別啲，外面係菠蘿入邊都係菠蘿，菠蘿包面層上枱仲係脆卜卜熱辣辣，而麵包就好軟熟。
雖然幾有噱頭，不過我就嫌佢個餡多咗啲，稍為甜過頭，而且入邊類似果醬嘅菠蘿盒口感同麵包唔夾，就好似食緊揸左勁多果醬嘅麵包一樣。too much 🙄都係整返菠蘿叉燒包鹹鹹甜甜咁仲好啦。
炸雲吞好味，啱啱乍起脆卜卜，蝦肉鮮甜嫩滑，配埋個甜酸醬開胃！不過炸野係會油，怕肥唔好食喇🥴
去飲茶我必點嘅鳳爪排骨飯，份量同其他茶樓咁上下，不過呢度嘅飯就比較乾身，飯粒分明，排骨半肥瘦更滑溜，整體都ok 但未致於好好食。
豉汁蒸鳳爪，雖然味道比較鹹咗啲，不過冇雪藏味，又唔會蒸過時，值得一試！
炸両啊，炸両最緊要油炸鬼仲係保持脆身！佢既油炸鬼係即炸但硬到咬損個嘴，雖然個腸粉皮係做得幾薄又幾滑，不過一夾就散。
鹹水角都係即叫即炸，入邊都係用肉碎，蔥，蝦米造成，幾香幾好味！
雞扎就係幾足料既，入邊有冬菇，雞肉，棉花(魚肚)但係就唔見咗舊火腿，同埋都係一夾即散。
味道同其他酒樓比較又無話特別驚喜，特色菜又唔係話特別多，不過價錢比較貴，始終係東薈城遊客區，我都係prefer返屋邨茶樓老師父點心多d🤔
张贴
