影片
更多
2023-08-20
35 浏览
星期日同媽媽去尖沙咀行街，行到咁上下黎到位於帝國中心嘅紅葉茶屋食午餐。餐廳環境充滿日式風格，座位寬敞，坐得非常舒服。食物款式方面，有多款定食、丼飯、小食、刺身、甜品同飲品等等。🍴吉列豬扒定食($118)定食🍱配有漬物、麵豉湯同白飯🍚白飯可以免費添加。吉列豬扒炸到金黃色，外皮香脆，豬扒肉質軟腍👄帶少許脂肪，點埋酸甜嘅醬汁，開胃解膩😋吉列豬扒旁邊擺放左新鮮嘅沙律菜🥗令整個菜式營養更均衡~🍴和牛冷麵($138)同樣有漬物同麵豉湯，和牛份量幾多、牛味出，有油脂香👅冷麵口感煙韌，撈埋溫泉蛋一齊食更滑溜👍🏻另外配有一壺冷麵汁，可按自己喜好加入蔥花、wasabi同紫菜一齊食，味道幾清爽，好啱係炎熱嘅夏天食🙌🏻🍴紅葉甘之三味($88)三味包括有：期間限定夕張蜜瓜軟雪糕、藍莓🫐提拉米蘇同牛奶布甸，夕張蜜瓜雪糕味道幾濃厚🍈充滿蜜瓜嘅甜味。藍莓提拉米蘇口感軟滑👅酸甜不膩。布甸好香牛奶味🥛配埋酸甜嘅果醬，味道幾夾😋🍴紅豆抹茶軟朱古力芭菲（$68）芭菲賣相吸引，頂層係牛奶味牛奶味軟雪糕🍦更配有原味銅鑼燒、抹茶軟朱古力🍫紅豆蓉、抹茶忌廉、粟米片同抹茶啫喱，口感同味道豐富，唔會好甜😛🍴冰蜂蜜薑茶(跟餐加$15)薑同
餐廳環境充滿日式風格，座位寬敞，坐得非常舒服。
食物款式方面，有多款定食、丼飯、小食、刺身、甜品同飲品等等。
🍴吉列豬扒定食($118)
定食🍱配有漬物、麵豉湯同白飯🍚白飯可以免費添加。吉列豬扒炸到金黃色，外皮香脆，豬扒肉質軟腍👄帶少許脂肪，點埋酸甜嘅醬汁，開胃解膩😋吉列豬扒旁邊擺放左新鮮嘅沙律菜🥗令整個菜式營養更均衡~
🍴和牛冷麵($138)
同樣有漬物同麵豉湯，和牛份量幾多、牛味出，有油脂香👅冷麵口感煙韌，撈埋溫泉蛋一齊食更滑溜👍🏻另外配有一壺冷麵汁，可按自己喜好加入蔥花、wasabi同紫菜一齊食，味道幾清爽，好啱係炎熱嘅夏天食🙌🏻
🍴紅葉甘之三味($88)
三味包括有：期間限定夕張蜜瓜軟雪糕、藍莓🫐提拉米蘇同牛奶布甸，夕張蜜瓜雪糕味道幾濃厚🍈充滿蜜瓜嘅甜味。藍莓提拉米蘇口感軟滑👅酸甜不膩。布甸好香牛奶味🥛配埋酸甜嘅果醬，味道幾夾😋
🍴紅豆抹茶軟朱古力芭菲（$68）
芭菲賣相吸引，頂層係牛奶味牛奶味軟雪糕🍦更配有原味銅鑼燒、抹茶軟朱古力🍫紅豆蓉、抹茶忌廉、粟米片同抹茶啫喱，口感同味道豐富，唔會好甜😛
🍴冰蜂蜜薑茶(跟餐加$15)
薑同蜂蜜🍯嘅味道好夾，甜度適中，帶微微薑既辣味，飲落幾滋潤💁🏻♀️
🍴冰雜莓&香橙紅茶(跟餐加$20)
可以自行落糖水調配適合自己嘅味道，酸酸甜甜有茶香🍹幾醒胃~
张贴
