影片
更多
2019-02-24
301 浏览
今日朝早同個朋友係維園場打完籃球，因為我地前幾日嬴左場一齊參加嘅比賽，就想食好啲獎勵下我地自己啦！我地聽個為食波友講過係極尚大瀛喜食得好開心，就行左過去銅鑼灣廣場二期11樓個間食。我地行入去廣場搭一層電梯，再搭架透明玻璃升降機上到11樓一出lift就係極尚大瀛喜。我地11點幾去到，等左陣到12點前餐廳就係比我地入。餐廳嘅環境真係唔錯。燈光柔和而充足，加上餐廳大範圍的玻璃窗，自然光灑落在椅桌上，營造出舒適氣氛，坐窗邊位更可欣賞11樓高樓景色。坐低左之後，員工同我地講落單可以用APP “RicePon”、”WeChat”掃下QR code，或者叫反佢地黎傳統落單都得。我覺得新嘅落單方法幾好，善用科技令落單過程更方便快捷，餐廳可以節省人物資源、顧客可以查看已點食物和在RicePon儲分賺取優惠。我地身為刺身愛好者，好快用RicePon餐牌入刺身類全部點左一波，點完好反就黎左！其中舌拿魚、三文魚同油甘魚都好厚同好新鮮，甜蝦同虎蝦亦好新鮮多汁、肉質嫩滑，深海八爪魚同北寄貝味道甘甜、肉質肥厚、口感優異。至於之後點嘅壽司，其中火炙三文魚及左口魚壽司油量洽當、魚油鮮香，海膽醬黃金蝦壽司的海膽醬很濃郁細
餐廳嘅環境真係唔錯。燈光柔和而充足，加上餐廳大範圍的玻璃窗，自然光灑落在椅桌上，營造出舒適氣氛，坐窗邊位更可欣賞11樓高樓景色。
坐低左之後，員工同我地講落單可以用APP “RicePon”、”WeChat”掃下QR code，或者叫反佢地黎傳統落單都得。我覺得新嘅落單方法幾好，善用科技令落單過程更方便快捷，餐廳可以節省人物資源、顧客可以查看已點食物和在RicePon儲分賺取優惠。
我地身為刺身愛好者，好快用RicePon餐牌入刺身類全部點左一波，點完好反就黎左！其中舌拿魚、三文魚同油甘魚都好厚同好新鮮，甜蝦同虎蝦亦好新鮮多汁、肉質嫩滑，深海八爪魚同北寄貝味道甘甜、肉質肥厚、口感優異。
至於之後點嘅壽司，其中火炙三文魚及左口魚壽司油量洽當、魚油鮮香，海膽醬黃金蝦壽司的海膽醬很濃郁細膩、入口即溶，配搭黃金蝦尤其美味。至於熟食，牛舌同五花腩好好味！牛舌入味且有嚼勁、五花腩十分嫩滑多汁。
除左落單點嘅食物，自助區嘅飲食亦種類繁多。首先就係有基本嘅任拎氣水雪櫃啦，仲有可以自己汁嘅果汁同柑桔蜜，仲有凍熱嘅清酒！甜品雪櫃都好齊全，特別係當中大部分嘅馬卡龍都好高質！馬卡龍外殼酥脆，內層軟綿綿帛稍微黏牙，甜度適中，在刺身放題餐廳有如此質素的馬卡龍實在難得。除了甜食，仲有中華沙律、芝麻八爪魚及味付螺肉等惹味日本料理可以任食啊，我拎左好多！
张贴
