魚生飯三色有三文魚、油甘魚、帶子刺身，加上一隻溫泉蛋，面頭仲加咗唔少蟹籽提鮮，魚生食落新鮮嫩口，帶子鮮甜，味道唔錯。
-
天婦羅烏冬（配湯、沙律、甜品）$88
天婦羅有蝦、茄子、冬菇、蕃薯同南瓜，都好大碟，炸得香脆之餘唔會油膩，隻蝦仲要係實肉鮮蝦嘅口感。烏冬方面彈牙有咬口，湯底唔濃，加咗温泉蛋、魚片、粟米、昆布等，清得來又好食。
-
加州卷 $49
好大件好足料嘅壽司，裏邊夾有蟹柳、青瓜、玉子等，表面嘅蟹籽鮮甜爽口，食一件已經好有飽肚感。
-
湯、沙律、甜品
麵豉湯，芝麻醬豆腐沙律，士多啤梨泡芙，全部都正常口味。
