樂天皇朝 (利舞臺廣場) (已搬遷) 新店位置

黎過食飯幾次 每次都食得好滿意喜歡哩度既環境裝飾 覺得充滿中國色彩而且幾有氣派 一坐低會有熱茶同小菜 唔錯！黎到當然係想食八色小籠包啦所以第一時間就點左 跟住點左4-5道小食就落單喇！上菜既速度算快 小籠包就等耐少少 可能係手製既需要多d時間。八色小籠包係我揀既no.1皮薄而且一次過食到8款味道 各有特色 有驚喜既小籠包 每次食都保持到同一味道！哩度既生煎包係好多肉汁呀！咬開一小啖吸晒裡面既湯汁係最好食既 但要小心熱 哈！一大鍋既黃魚湯係新菜式 見到咁大條黃魚已經覺得用料好足哩啖湯好鮮甜 有微微既胡椒味 番到屋企都可以試下煲仲點左口水雞 微辣味濃 雞肉好滑 好岩送飯食！