芝加哥串燒酒場 (太和中心)

位於太和嘅酒吧串燒舖，店舖唔算好大但係坐位環境寬敞，地方都幾乾淨，仲有個大螢幕睇波添。 含酒精類嘅飲品有好多款選擇， 串燒都有好多款。 推介佢嘅水牛雞翼同埋燒矮瓜， 仲有花雕腸仔都幾惹味， 食物口味偏向濃郁， 好多串燒都係配酒食都幾不錯， 所有食物串燒都係即叫即燒所以都要預番少少時間等候， 總括而言都幾不錯，同朋友喺度傾偈飲下酒睇下波都唔錯嘅選擇。