喜記蟹將軍

营业中

休息中

早幾日起尖沙咀行行吓街想食下海鮮就去咗美麗華嘅喜記蟹將軍。佢地最出名嘅就係蟹同海鮮，絕對係最新鮮嘅！今次得自己一個食就無叫到蟹，淨係叫咗蒜蓉粉絲蒸蟶子王、辣酒煮花螺同個好啱送飯蒸肉餅～ 蒜蓉粉絲蒸蟶子王 蟶子大隻厚肉，肉質鮮嫩，粉絲索咗蟶子嘅汁加埋啲蒜蓉，味道特別香濃既蒸肉餅咬落係好鮮味，啖啖都係肉汁，豬肉肥瘦比例好好，口感唔錯，加埋面頭隻鹹蛋黃真係送飯一流 最愛食辣既我叫左碟辣酒煮花螺，花螺新鮮大粒，竟然冇死螺~酒香加上辣味嘅湯汁好惹味，食到停唔到口，餐廳環境都舒適，服務態度仲幾好，下次要同朋友或者屋企人叫多幾款海鮮同埋蟹食！