醉胡爐 (已搬遷) 新店位置

朋友一向最鍾意打邊爐，難得約得成，天氣又涼涼地，咁就就下佢啦，嚟左醉胡爐，貪佢坐得舒適裝修又靚，打完唔會成陣味，服務又周到呢度嘅刺身非常新鮮！必食海膽！夾住紫菜同青瓜一齊食非常鮮甜！今次仲有試埋油金魚刺身，一樣咁正！食完覺得唔夠喉叫咗一隻超大size嘅牡丹蝦刺身未打邊爐之前就叫下小食先試咗椒鹽雞軟骨，非常香口，唔會太鹹，粉又唔會厚！鴨舌係我至愛，呢到份量好多，過足口引！蟹子沙律好足料有好多蟹肉！食咗咁多小食終於嚟到打邊爐嘅環節呢個鮮椰青雞鍋真係不得了！店員首先會係你面前爆熟啲雞，仲落咗成個椰青，同埋佢哋嘅秘製湯底，真係好香好香好香！重要的事情要講三次！滾起左之後首先每人飲咗一碗湯跟住先開始打邊爐！超愛椰青嘅我忍唔住再買多個嚟飲，好甜，肉又唔硬！呢度嘅超大聖子好鮮甜！仲有呢度自家製嘅黑松露蟹肉餃子！餃皮好煙銀，超香黑松露味，出奇地好味！鹹蛋墨魚丸夠晒爽口！呢度食物質素好好而且又坐得咁舒服，店員個個都好友善，不停主動執碟加水加湯底，一定會同朋友再嚟！