Cosmos Restaurant & Bar (已結業)

今日同朋友行完街咁岩經過見到一間餐廳好似幾chill 就入嚟試吓。呢一個前菜嘅沙律幾好食，係用咗一啲黑醋汁酸酸甜甜幾開胃令之後嘅嘢食到更加多又冇咁肥膩嘅感覺佢嘅餐包意外地好食喎，一般嘅餐包都比較硬身，佢嘅真係幾軟熟，而且個湯都好香嘅嘢菌味。第一個主菜嗰隻叫做呢一個龍蝦伴鵝肝雞肉，雞肉肉質幾嫩口味道都唔錯，同埋佢個龍蝦有一啲芝士係面面令口感更加豐富，底下長啲一粒粒嘅薯蓉令口感再豐富啲。如果以尖沙咀來講呢一個價錢食到呢個質素算係幾平環境幾舒服有得睇電視。仲叫咗呢一個鱸魚蟹王忌廉飯，意大利飯唔會太過硬身我覺得唔錯鱸魚就對我來講因為本身我唔中意食魚，但朋友話幾好食嘅，因為佢冇乜骨甜品有驚喜呀好香嘅芒果味同埋唔算太甜幾香芝士味要左一杯椰汁嘅酒，幾好喎因為我係好怕太苦嘅佢好甜好啱女仔飲而且好香椰子味。