影片
更多
2004-12-06
10 浏览
今日有活動在萬豪搞，要來講兩句，午餐自然在這裡搞掂埋。同同事及幾個鬼頭，坐了在餐廳的中間。呢度地方大，樓底高，夠光猛。坐位又夠舒適，在這裡食個午餐傾下計，又真係唔錯的。自助餐分幾款分段收費，甜品自助餐78蚊，沙律自助餐98蚊，燒牛肉自助餐則118蚊，另有一個湯麵自助餐，因賣相一般，忘記了幾錢。如果想食兩個自助，就貴D果個加40蚊，如果想食晒成set，就198蚊。呢個收費方法唔錯，可以俾人揀吃幾多花款就比幾多錢，自由市場社會，有選擇永遠是好的。要講野唔想食咁多，而商務應酬唔慌食得多，但見個沙律吧好似幾多花款，就要了沙律加甜品自助餐。沙律吧選擇好多，由幾款沙律菜到各式各樣沙律材料一字排開，兩邊夾埋，成五、六十款，幾狀觀。用碗選好，可選沙律汁，都有九款，其中凱撒沙律汁及法式沙律汁都唔錯，另有一隻士多啤梨汁就紅得好緊要。選好就由廚子代勞落mixing bowl撈勻，好過自己搞，幾有諗頭。沙律雖說不是什麼天下美味，但勝在都幾新鮮，幾清新；甜品吧就有幾款例牌選擇，如tiramisu、芝士餅、芒果忌廉蛋糕、拿破崙、朱古力蛋糕等，味道都交到功課，其中tiramisu都算唔錯，所以最早沽清，另外朱古力蛋
自助餐分幾款分段收費，甜品自助餐78蚊，沙律自助餐98蚊，燒牛肉自助餐則118蚊，另有一個湯麵自助餐，因賣相一般，忘記了幾錢。如果想食兩個自助，就貴D果個加40蚊，如果想食晒成set，就198蚊。呢個收費方法唔錯，可以俾人揀吃幾多花款就比幾多錢，自由市場社會，有選擇永遠是好的。
要講野唔想食咁多，而商務應酬唔慌食得多，但見個沙律吧好似幾多花款，就要了沙律加甜品自助餐。沙律吧選擇好多，由幾款沙律菜到各式各樣沙律材料一字排開，兩邊夾埋，成五、六十款，幾狀觀。用碗選好，可選沙律汁，都有九款，其中凱撒沙律汁及法式沙律汁都唔錯，另有一隻士多啤梨汁就紅得好緊要。選好就由廚子代勞落mixing bowl撈勻，好過自己搞，幾有諗頭。沙律雖說不是什麼天下美味，但勝在都幾新鮮，幾清新；甜品吧就有幾款例牌選擇，如tiramisu、芝士餅、芒果忌廉蛋糕、拿破崙、朱古力蛋糕等，味道都交到功課，其中tiramisu都算唔錯，所以最早沽清，另外朱古力蛋糕及拿破崙都不錯，可惜一樣試少少，不能吃多。
同事吃了燒牛肉加甜品自助，佢話燒牛肉都夠嫩，唔錯，不過配菜只有薯仔及粟米，好似少左D。一百一十八蚊，都算係咁。
包飲品一杯，埋單六個人一千零五十蚊，平均每人二百蚊唔使。食物雖然不算十分出色，但計及環境和地方，都唔算貴了。
张贴
