浦井韓食居酒屋 (已結業)

今晚心思思又想食韓燒，諗起isquare戲院樓下有間新開嘅韓國餐廳，於是叫好友一齊去試試！我地7點幾到，等左約10分鐘就有位。餐廳裝潢較市面韓燒餐廳有心思亦較寛敞。餐廳選擇好多樣化，有齊炸雞、韓燒、韓式小食、拌飯、麵食等，因為我地一心黎食韓燒，所以好快決定order左份上牛烤。呢份上牛烤$288，份量幾大，夠曬2個人食。佢包含左5款肉，有小牛排、肉眼、牛立方、腹胸肉同牛舌。牛立方真係堅大舊，真係要每邊燒幾分鐘，再切片再燒幾分鐘，相當考你耐性，佢肉質較厚實、有咬口，但肉味較濃郁。我個人較愛牛舌，薄切，易燒，脂肪分佈均勻，口感較綿滑，正！食韓燒其中一個重點係爐邊蛋，加入泡菜，又滑又惹味，like!食到熱辣辣飲返杯蜜桃沙冰（$38），又清甜又解渴，爽呀！呢間韓燒環境舒適、食物種類多、質數又唔錯，大眾價錢，會推介俾朋友。