The Place

之前聽朋友說旺角朗豪坊酒店的自助餐廳The Place剛剛經過一輪內部翻新工程，適逢妹妹生日，於是帶家人一齊去試下Lunch buffet。餐廳空間感好寬敞，用左大量木材和綠白兩色去營造一種自然感覺，配搭落地大玻璃，滲透和暖的自然光，感覺好舒適。食物陳列得好整齊，見到琳琅滿目既美食，已令人食指大動。熟食區是Open kitchen，可以讓食客見到製作食物既過程，都會食得放心D；現場有即整喇沙，有多種配料選擇，湯底好濃沃，小小辣，味道都算正宗。我最主要都係食甜品，竟然有我最鐘意既Movenpick 雪糕，咖啡味超濃，好似飲緊一杯咖啡，楓蜜合桃亦好好味，食夠幾球雪糕已經值回票價！整體食物種類繁多，味道亦唔錯，甜品做得比較出色！