木槿花韓牛專門店 (已結業)

木槿花是位於中環半山的韓牛專門店，樓高兩層，樓底高，空間感十足，每枱都有獨立抽油煙機，唔會食到成身油煙味。除了散叫，還有一人餐和二人餐選擇，揀左份二人韓牛燒烤餐。先送上三款前菜，泡菜，魚乾和魚片，甜甜辣辣好惹味開胃。先來碗雪龍湯，奶白色的雪龍湯，湯內有數片腍軟韓牛，蔥花同麵條，牛骨味非常香，濃郁好飲又順口。湯之後就是特選沙律，沙律新鮮爽口，配埋醬汁，食韓牛前先清清味蕾。韓牛蔬菜卷好似腸粉咁，入面包住切條韓牛同蔬菜，加埋卷面兩款汁，清新又美味。跟住就開始燒韓牛肉，有腹脊兩側肉，西冷同腹心肉三款。先用豬油塗抹鐵板面，等牛肉唔駛黏住塊鐵板，然後開始燒。韓牛油脂分佈平均，不同部位都肉嫩而且充滿牛香，不論點韓式辣醬，捲住蒜片，還是包住菜葉食都好滿足。燜韓牛牛肋骨用蠟燭保溫住，慢慢食都唔怕。牛肋骨燜到好腍軟好入味，好食！加埋紅蘿蔔，白蘿蔔同栗子燜，個汁又甜又濃，撈飯勁一流。最後黎埋碗泡菜炒飯，加左紫菜的泡菜炒飯，份量都唔少，炒得好均勻，泡菜辣辣地好惹味。甜品係韓式飲品甜米露，清清地唔太甜，可以去下燒肉的油膩。