49
33
20
等级4
645
0
2020-07-04 335 浏览
星期六去荃新天地翠園飲早茶。叫左鳳爪排骨飯、濃湯雲吞、豬腳薑和牛肉球。鳳爪排骨飯用煲盛載,豉油分開上。鍾意豉油分開上,食客可以自己按自己嘅口味決定落幾多豉油。排骨未夠熟,重紅紅地。質地太腍。飯唔夠乾,較濕潤。排骨同埋鳳爪本身嘅醬汁已經浸曬入飯裏面,剩係醬汁嘅味道已經好夠,唔使加豉油。見佢有個濃湯雲吞$48。問店員有幾多粒,佢話有8粒。一於叫個試下。雲吞大小適中,咬兩啖就食完一粒,幾鮮甜。$48係小食價錢。細細粒,同朋友或者家人每人食幾粒過下口癮都不錯。豬腳薑份量都幾多。蛋有兩粒。豬腳啖啖肉。薑醋又甜又酸。薑好大嚿而且好辣,辣得滯飲番啖薑醋可以中和番。牛肉球夠腍,食得出莞茜味,咬開見到餡料重有蔥。加埋喼汁食份外滋味。鍾意黎呢間翠園係因為鍾意佢呢度環境舒適,唔會太嘈,可以同朋友邊食邊傾,優閒咁嘆下茶~🥰
更多
星期六去荃新天地翠園飲早茶。叫左鳳爪排骨飯、濃湯雲吞、豬腳薑和牛肉球。


鳳爪排骨飯用煲盛載,豉油分開上。鍾意豉油分開上,食客可以自己按自己嘅口味決定落幾多豉油。
排骨未夠熟,重紅紅地。質地太腍。
飯唔夠乾,較濕潤。排骨同埋鳳爪本身嘅醬汁已經浸曬入飯裏面,剩係醬汁嘅味道已經好夠,唔使加豉油。

見佢有個濃湯雲吞$48。問店員有幾多粒,佢話有8粒。一於叫個試下。雲吞大小適中,咬兩啖就食完一粒,幾鮮甜。$48係小食價錢。細細粒,同朋友或者家人每人食幾粒過下口癮都不錯。

豬腳薑份量都幾多。蛋有兩粒。豬腳啖啖肉。薑醋又甜又酸。薑好大嚿而且好辣,辣得滯飲番啖薑醋可以中和番。

牛肉球夠腍,食得出莞茜味,咬開見到餡料重有蔥。加埋喼汁食份外滋味。

鍾意黎呢間翠園係因為鍾意佢呢度環境舒適,唔會太嘈,可以同朋友邊食邊傾,優閒咁嘆下茶~🥰
鳳爪排骨飯
35 浏览
1 赞好
0 留言
濃湯雲吞
28 浏览
0 赞好
0 留言
豬腳薑
23 浏览
0 赞好
0 留言
牛肉球
22 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食