無肉食 (My Central) (已結業)

《無肉食》向來有唔少好評，正好佢喺中環My Central 下面開咗分店，環境喏大舒適，由於疫情關係人客較平時少，一連食咗好幾次都有驚喜。尤其堂食一舊水有main course + 頭盤甜品飲品buffet，簡直係奇蹟！！首先喺外賣自取嘅《素豆腐豬柳漢堡配薯角》，睇樣都覺得美味，尤其係豆腐豬柳外脆內嫩，就算已經擺咗陣都依然熱辣辣，顛覆咗我以前對豆腐漢堡嘅印象。第一次堂食，記得係叫《真係乾炒牛河》咁上下，因為雖然牛肉係蔬菜做，但味道同普通乾炒牛河係無分別。為咗遷就唔同人口味可揀走洋蔥...我就當然唔介意。呢個牛河調味剛好，鑊氣十足，如果唔係豆干牛肉出賣咗佢，可能會以為係酒樓出品。必吃！！第二次堂食叫咗《沙嗲醬猴頭菇炒粉絲》，猴頭菇炸過嘅質感有少少似咕嚕肉，成碟嘢係有喺大牌檔嗰種鑊氣同濃郁嘅沙茶醬炒牛肉feel。可見呢度廚師做中菜嘅功力真係好好，連齋都炒得咁好食。之後試咗『日式咖喱漢堡』，其實嗰塊漢堡應該係漢堡包果個。咖喱非常香濃，又係唔會覺得係齋嘅一碟。可惜佢又開始供應返頭盤甜品自助餐，令我冇乜胃納裝主菜啦 T  _ T以上全部都係主菜一份 + 頭盤甜品飲品糖水任食任拎。你見到嗰碟菜蔬，