銀座蔵人 (已結業)

同屋企人做節食飯，要揀一間價錢中價，坐得舒服，又唔可以限時嘅餐廳真係好難，唯一我只諗到係呢間，其實我地都黎咗好多年，佢水準都keep到，而且價錢都冇乜點加過。一黎到都係刺身拼盤，刺身係好新鮮，今次最值得一提，係佢個甜蝦，真係好甜好滑，平時我唔太鐘意食甜蝦刺身，好多都雪到冇味，不過佢今次真係好鮮甜。其次係我至愛嘅鴨舌，不過今次唔夠肥美，而且叫第二次時已經有好多燒到燶晒，其實都幾浪費。另外，有牛肉粒，燒得剛剛好，入面仲有少少紅紅地，好juicy, 最後要讚個燒牛舌，唔係串燒嗰隻，好香牛味，唔會太咸，味道剛剛好。