影片
更多
2023-06-28
69 浏览
平時比較少去酒吧，怕環境嘈同雜。幾兩日去咗尖沙咀一間樓上酒吧，環境幾舒適，又有粉紅花花佈置，幾啱女仔去呀～呢度Happy Hour主打串燒組合配飲品，仲有主食如意粉、Pizza, 去飲酒🍸定食飯都得！🍢串燒組合 $118揀咗呢個組合試下～ 有免治雞肉棒、雞軟骨、雞皮、雞髀菇同日本厚油揚。整體都幾好食！雞肉棒入面有軟骨有咬口，雞皮香脆，雞髀菇偏薄，厚切會更好食！第一次食厚油揚串燒，估唔到都幾好食，入面好多汁😋🍹Citrus Punch西柚汁加橙汁，幾清新！我幾鍾意唔會太甜，不過怕酸就第二款好啲😂🥔黑松露野菌忌廉汁薯仔粉 $98幾鍾意gnocchi嘅煙韌口感，見到menu有就試試啦～ 味道都唔錯，忌廉汁好足夠，薯仔丸子有啖啖薯仔香味，都幾煙韌！🍕西班牙辣肉腸PIZZA $138正常好味嘅薄批pizza，辣肉腸好大塊，但唔辣嘅，一個有8件，份量多！呢度仲有得睇波、打桌球，都幾啱一班朋友嚟聚下，有得飲又有得食！
平時比較少去酒吧，怕環境嘈同雜。幾兩日去咗尖沙咀一間樓上酒吧，環境幾舒適，又有粉紅花花佈置，幾啱女仔去呀～
呢度Happy Hour主打串燒組合配飲品，仲有主食如意粉、Pizza, 去飲酒🍸定食飯都得！
🍢串燒組合 $118揀咗呢個組合試下～ 有免治雞肉棒、雞軟骨、雞皮、雞髀菇同日本厚油揚。整體都幾好食！雞肉棒入面有軟骨有咬口，雞皮香脆，雞髀菇偏薄，厚切會更好食！第一次食厚油揚串燒，估唔到都幾好食，入面好多汁😋
🍹Citrus Punch西柚汁加橙汁，幾清新！我幾鍾意唔會太甜，不過怕酸就第二款好啲😂
🥔黑松露野菌忌廉汁薯仔粉 $98幾鍾意gnocchi嘅煙韌口感，見到menu有就試試啦～ 味道都唔錯，忌廉汁好足夠，薯仔丸子有啖啖薯仔香味，都幾煙韌！
🍕西班牙辣肉腸PIZZA $138正常好味嘅薄批pizza，辣肉腸好大塊，但唔辣嘅，一個有8件，份量多！
呢度仲有得睇波、打桌球，都幾啱一班朋友嚟聚下，有得飲又有得食！
张贴
