La Postre (厚福街) (已結業)

喺尖沙咀番工，去厚福街搵食都算係個指定動作。今日黎試呢間座位喺厚福街街尾既一間西式餐廳。平日不時經過都會留意到呢間餐廳，比佢湖水綠為主調既裝修吸引到，但一直步入餐廳係因為覺得價錢上應該頗貴，未必適合午餐快快吃的選擇。今日適逢同事們都諗唔到食咩，午餐就黎到呢間餐廳搵食。進入餐飯，店內環境都算寬敞，同佢既裝修一樣都相當舒適。令我驚喜既係當我睇到個餐牌，原來價錢並唔係想像中咁貴，而且選擇也挺多。我今次揀左蒜香燒汁雞肉炒飯，外貌整得幾精緻，味道方面偏和帶點甜既燒汁加蒜香味，質感上係比較似硬身既意大利飯質感，對於比較食硬質感既人黎講就相當滿意，唯一要講既就係份量方面其實比較細碗，對於追求飽滿感嘅人黎講可能未必夠，但整體性價比上就算相當高。