Sepoy Mess

餐廳將印度風味同英倫元素完美融合嘅創意菜式，環境都十分好，有live band!整體體驗令人相當難忘！ Mojito同Daiquiri調得相當出色。Mojito清新怡人，薄荷同青檸嘅香氣好突出，甜度恰到好處；Daiquiri果香濃郁，入口順滑，兩杯都係開胃嘅好選擇。 前菜方面，Arancini Tikka Chaat絕對值得試！將傳統意大利炸飯球加入印度香料同乳酪，外層香脆，內裡綿密，酸甜嘅chaat masala同creamy嘅醬汁平衡得好好，味道層次豐富。Tenderloin Skewers亦相當出色，烤得外焦內嫩，肉汁豐盈，配搭微辣嘅印度風味醬汁，讚👍🏻主菜Chicken Tikka Masala保持高水準，雞肉經過香料醃製後烤香，再放入濃郁嘅番茄奶油醬汁中燉煮，肉質嫩滑入味，醬汁香濃得嚟唔會過膩。必點嘅Garlic Coriander Naan蒜香撲鼻，芫荽嘅清香令人胃口大開，口感煙韌有嚼勁，點埋咖喱汁食真係無得彈！ 甜品Sticky Toffee Pudding為晚餐畫上完美句號。布甸質感濕潤綿密，焦糖醬甜而不膩，配上雲呢拿雪糕，冷熱交融嘅口感十分之有趣。