禾日

原來希慎B2層已經重開了一段時間，今日行行下才發現呢度好多餐廳同小食店，今次決定試吓其中一間日式餐廳<禾日>一入到去就聽到好日式既純音樂，餐廳環境寬敞，每枱之間都有一小段距離，好岩同朋友黎享受一餐寧靜舒適既日本餐。今次我同朋友叫咗二人dinner set，包含沙律，前菜，刺身，串燒，野菜，一道飯同甜品，非常豐富！炸軟殼蟹蟹籽沙律，一來到就見到好大舊炸軟殼蟹放係沙律上面，炸得香脆可口，而且每一口都吃到蟹肉的鮮甜，加上配搭埋新鮮沙律蔬菜，就剛好中和炒物的油膩感。前菜係日式海鮮茶碗蒸，茶碗蒸係我喜愛的日式料理之一，雖然看似簡單，但當中最考究係蛋的香滑程度。呢度的茶碗蒸沒有令我失望，嫩滑的蛋液口感柔滑，滋味濃郁，加上香菇蝦同肉，味道鮮甜，令我回味無窮刺身方面就有吞拿魚，油甘魚同帆立貝。刺身非常新鮮，尤其呑拿魚同油甘魚都沒有魚腥味，帆立貝大大粒而且鮮甜，非常出色！串燒就選擇了鹽燒車海老同豚肉白蔥串。一上菜就聞到新鮮燒起的炭火香味，未食已經香氣四溢。串燒都經過鹽燒調味，吃落肉質鮮美多汁，非常惹味。野菜天婦羅同樣新鮮炸起，新鮮的時令蔬菜裹上薄脆的麵糊，油炸至金黃酥脆，味道香脆而不膩。