🔅特選拉麵 (Special Ramen)配豬骨濃湯，入面既配料有叉燒1.5倍+炙叉燒+紫菜2片+葱+味筍+味付鷄蛋
對男士黎講， 呢款拉麵應該好啱食，因為有好多肉🤣1.5 倍叉燒唔肥膩，但又唔會乾爭爭同柴口，每一片都係大大塊。而炙燒叉燒就帶D 肥肉，肥瘦相間同有焦香。另外，個湯底非常rich，夠味但又唔鹹，又可以令到D 麵掛曬湯，鍾意濃味嘅係一個好選擇。
🔅人氣拉麵 (Popular Kamen)配豬骨鹽味清湯，配料有叉燒＋紫菜4片＋粟米+味筍＋味付鷄蛋
呢款拉麵肉量會少D，比較適合女士。豬骨清湯食落會無咁飽濟，仲有D 粟米粒粒。味付蛋非常好食，外層有少少咸味，中間流心，賣相一流。
🔅炸章魚
章魚脆口唔油膩，而且又唔會韌，炸粉剛剛好無過厚又唔會炸皮同章魚分離，加埋蛋黃醬，好好食。
🔅柚子梳打、桃梳打
最後飲返樽日本直送梳打👍🏻👍🏻，柚子並唔會係似人手成pat 糖漿求其沖嗰D味，甜味適中，仲有微微柚子澀味。桃味都好出色，無人工香味，又唔會太多氣飲到谷胃。
