break (已結業)

天氣咁好，我哋又去咗觀塘海濱公園，今次由觀塘碼頭行到尾，仲去咗海濱匯食好嘢😋，有朋友介紹話呢度有好多好嘢食，有唔同菜式：意大利菜、比利時菜、越南菜等等，不過我哋今次就試咗一間新派精品Cafe：Break門面最吸引嘅地方係佢哋有個屋仔形嘅卡位，另外環境好舒服，自成一角，最啱約閨密嚟邊傾邊食🥰。除咗門面吸引，呢間餐廳另一個特別嘅地方係佢哋每星期都會轉餐牌，所以今次嚟食嘅嘢下次想再食都未必有得再食㗎啦，所以要把握機會😉48度慢煮三文魚🐟牛油果醬丼成日食三文魚一係刺身，一係就香煎熟透，今次呢個係慢煮，原來另有一番風味，半熟狀態嘅三文魚味道似食刺身，但質感又唔似刺身咁冰凍，配埋少許魚子、紫菜及佢哋特製嘅牛油果醬🥑，好Fresh，唔似一般刺身丼。呢個定食仲有味噌湯及前菜，飲品亦可享半價優惠添👍玉子燒吉列豬扒三文治🥪玉子燒好厚身，味道甜甜地，吉列豬扒勁鬆軟，配咗少許蛋黃醬，和風味濃，麵包亦烘得適中，唔會太乾，側邊有少許沙律菜🥗，係均衡飲食嘅健康之選💪芝麻雞翼🐔即叫即製，外皮鬆脆，內裡雞肉嫩滑，好juicy，帶小許辣，刺激味蕾，亞女平時唔食辣都話好味😅我哋另外order咗手搖水蜜桃冰茶及latte，六