醉胡爐 (已搬遷) 新店位置

朋友介紹嚟食呢一間火鍋，環境都幾特別，佈置得幾靚。鍋底未黎之前我哋諗住叫啲串燒食住先，都幾少火鍋店有得叫串燒。唔敢叫太多，因為驚食唔落火鍋材料。豬串燒好香口，而且夠油脂。另外兩串都唔錯喎，雖然我唔食魚，不過朋友話白鱔幾好味。我哋叫咗椰青雞鍋，因為好似養生啲。原來店員會喺我哋面前加酒，然後點火，仲見到佢加咗成隻椰青入去🤣我哋見到有一個配料叫做牛胸爽，於是乎就試試佢，完全同我想像嘅唔一樣，原來係白色嘅。店員話烚一陣就食得，係好爽口嘅口感，好香油脂味。手切肥牛好高質，而且都幾口，份量亦都夠多。紫菜響鈴係我最愛，一見到餐廳有就一定要叫。