Be Leaf (已結業)

一直俾佢嘅餐廳環境所吸引，今日終於停下腳步，入去試吓佢嘅食物！👍🏻香煎澳洲穀飼安格斯西冷配阿根廷青醬菜式無包飯或麵，但配有薯蓉，所以份量好足。薯蓉好有顆粒感，更有粒粒碗豆墊住，別具特色。西冷之上有隻太陽蛋，今次叫咗五成熟，肉質尚算粉嫩，食落軟淋，但略帶筋位。阿根廷青醬可以選擇另上，食到膩嘅時候更可以用黎解下邊位的油脂感。👍🏻蒜香欖菜鮮蝦意大利麵意粉炒得乾身，蒜香味徐徐漂來，加上欖菜作點綴，為菜式加添鹹香度，大蝦爽口鮮甜，絕對係近期食過最好食嘅意粉之一！👍🏻Papaya Mango Smoothie 健康之選嘅飲品，用上新鮮水果，打得綿綿滑滑，甜度唔高。芒果味較木瓜味突出，但兩者既配搭都相當和諧。👍🏻Fresh Grapefruit Pomelo Soda用上一片片嘅新鮮西柚，撈上沉底嘅柚子，飲落清新怡人。👍🏻法式焦糖卡士達梳乎厘班戟的確係打卡一流的甜品🍮難怪成為必食推介，疏乎厘嘅空氣感好足夠，食落軟綿綿。面頭上鋪上吉士醬，經火槍燒過後嘅焦糖金碧輝煌，一份兩個人share剛剛好，有機會一定要再試埋佢嘅楊枝甘露，提拉米蘇口味。餐廳感覺好舒服，職員有禮好溫馨，仲有波希米亞嘅裝飾俾你無限打卡！