所以簡食西嘢，係冇嘢嘅時候去CAFE坐下都係唔錯嘅選擇。
呢間餐廳係門面比較細，位置都比較偏。
大約二十個位左右，一個侍應一個大廚，冇乜特別裝修，簡簡單單。
同時亦都冇乜客坐係度，一個幾寧靜嘅空間。
餐牌都冇乜特色食品，都係意粉同All day呢啲大路嘢。
落單：番茄雞肉扁意粉+熱朱古力
先上左個熱朱古力，雖然拉花好似有啲歪但完全可以接受。
味道唔會太甜，朱古力味亦唔係好濃烈，我個人比較鐘意種呢種程度，唔會好似7仔個啲咁驚死你唔知係乜飲緊乜。
所有餐都係即叫即煮，但由於人唔多，又唔需要特別煮法，所以都好快上枱。
賣相雖然有啲亂，但都唔差。
番茄食唔出罐頭味，唔酸，唔濃郁但亦非淡而無味。
面頭個幾片芝士用於裝飾多於提升味道。
雞肉撳落質感比較結實，入口首先係煎過嘅焦香，調味適中唔太鹹，雖然質感比較硬但食落中間並唔粗嚡。
總結：環境舒服，好寧靜，Hea下或者同朋友吹下水都唔錯。味道偏淡，選擇少咗啲，整體不俗。
