影片
更多
2021-09-02
57 浏览
係D2睇完戲，就係個到食埋晚餐，男朋友被個豬手吸引咗😂。睇menu就見真係好多豬肉菜式，我地今次真豬肉同新豬肉都有食。香煎牛扒沙律 $192我想食沙律，但又怕只係食菜味道寡，所以就嗌左依款。有好多唔同既材料，所以口感豐富🤟🏻。有軟滑嘅藍芝士，脆卜卜嘅炸洋蔥圈、鹹香煙肉粒、有鮮爽脆嘅番茄同沙律菜😛。新豬肉肉醬意粉 $168新豬肉出咗咁耐，我哋作為肉食愛好者，一直都冇試過。嚟到呢度又食豬手又食牛扒，所以嗌意粉時就試吓新豬肉🤔。男朋友一直係到問我食唔食到冬菇味，佢話新豬肉有冬菇成份，但係我食極都食唔到冬菇味😂。新豬肉同真豬肉幾似，混埋落去個意粉度真係幾可亂真，仲要幾好食😍。招牌德國鹹豬手 $308上菜時已經切到一份份，好方便幾個人share黎食😌。豬手好食，除左入味，仲烤得好好，外脆內軟，啲脂肪被烤到脆卜卜，唔會食到成口油😂。配料都好正，尤其是啲烤薯仔，好似巨形薯角咁。不過啲酸菜可以再酸啲。點得多伴碟既忌廉汁會有少少漏，大家要注意返🤔。朱古力心太軟 $88火候同時間控制得好好，個心太軟完完全全做到外脆內軟，切開時有少少朱古力醬流出黎，但又唔會流到好似一灘液體👍🏻。甜度適中，兩個人share既
香煎牛扒沙律 $192
我想食沙律，但又怕只係食菜味道寡，所以就嗌左依款。有好多唔同既材料，所以口感豐富🤟🏻。有軟滑嘅藍芝士，脆卜卜嘅炸洋蔥圈、鹹香煙肉粒、有鮮爽脆嘅番茄同沙律菜😛。
新豬肉肉醬意粉 $168
新豬肉出咗咁耐，我哋作為肉食愛好者，一直都冇試過。嚟到呢度又食豬手又食牛扒，所以嗌意粉時就試吓新豬肉🤔。男朋友一直係到問我食唔食到冬菇味，佢話新豬肉有冬菇成份，但係我食極都食唔到冬菇味😂。新豬肉同真豬肉幾似，混埋落去個意粉度真係幾可亂真，仲要幾好食😍。
招牌德國鹹豬手 $308
上菜時已經切到一份份，好方便幾個人share黎食😌。豬手好食，除左入味，仲烤得好好，外脆內軟，啲脂肪被烤到脆卜卜，唔會食到成口油😂。配料都好正，尤其是啲烤薯仔，好似巨形薯角咁。不過啲酸菜可以再酸啲。點得多伴碟既忌廉汁會有少少漏，大家要注意返🤔。
朱古力心太軟 $88
火候同時間控制得好好，個心太軟完完全全做到外脆內軟，切開時有少少朱古力醬流出黎，但又唔會流到好似一灘液體👍🏻。甜度適中，兩個人share既話岩岩好。雲呢拿雪糕有埋雲呢拿籽，絕對唔係啲cheap cheap雪糕😍。
Oreo Madness $68
睇相好吸引！好肥！飲落去有少少淡，可能因為啲冰融左😣。
Sangria Red $78
呢杯係西班牙水果酒，飲落去好特別，對於唔識飲酒既我黎講好似有酒精嘅利賓立😚。酸酸地，容易入口，又飲到紅酒嘅味道🤤。
埋單$992（包加一）
张贴
