尚膳養顏滋補鍋

营业中

休息中

今次去左朋友介紹高質火鍋店，位於旺角的「尚膳養顏滋補鍋」，地方超大，環境雅緻好舒服，除了大廳，仲有唔同分隔房，同party房等，QR code 落單方便，食物質素新鮮美味，我同朋友都話，下次一定要再encore。鴛鴦鍋(尚膳養顏美人鍋及尚膳麻辣鍋) 養顏美人鍋湯底清甜滋養，入面有桃膠及半隻烏雞，仲加入杞子、龍眼乾及黑棗等藥材，建議打邊爐前記得飲返1-2碗，飲完會想再繼續飲；尚膳麻辣鍋，揀咗小辣，入面有好多鴨血及蜂巢豆腐，鴨血好滑，蜂巢豆腐吸曬啲湯勁正，仲有唔同香料，麻香十足。海鮮拼盤包括6款當日時令海鮮，每款都好新鮮， 特別喜歡海中蝦，大隻多肉，肉質彈牙， 另外門鱔片，非常後肉肥美，夠曬鮮味。美國桶蠔一盤有7隻，超大隻，肉質肥美滑溜，啖啖肉。西班牙黑毛豬肉質鮮嫩，質感細滑，油香十足又多汁。新鮮本地牛頸脊肉質嫩滑，雪花均勻，牛味夠濃，入鍋十秒即可食。另外仲叫左三色滑拼、四式餃子拼盤、雜菜拼盤、 蜂巢冰豆腐、鹹蛋黃魚皮及鹵水拼盤，樣樣都好出色。自助吧醬料，仲有少量前菜及檸檬水任取。