Vivere (已結業)

放假約左朋友去食lunch，朋友揀咗呢一間位於銅鑼灣嘅餐廳，餐廳對住維多利亞公園，可以望到海景，環境舒服，非常適合朋友傾偈。我哋兩個就叫咗兩個set lunch，性價比非常高。廚師沙律沙律爽脆，蕃茄仔多汁，芝士幼滑。是日餐湯薯仔忌廉湯口感creamy，入口幼滑，味道好濃郁。巴馬臣芝士粉落茄醬肉丸意粉肉丸嫩滑多汁，芝士味道香濃，茄醬酸甜開胃，意粉煮到軟硬適中，吸收哂醬汁味道。炸龍利柳薯條配青豆蓉龍利柳新鮮炸起，熱辣辣，外脆內軟，炸漿薄身，龍利柳肉質嫩滑juicy，青豆蓉口感綿密，薯條香脆可口。