海南少爺 (已結業)

搵咗個好鐘意食海南雞飯嘅朋友食晚餐，唔使諗食乜，直接帶佢去食海南少爺😆呢間餐廳自己嚟過幾次，今次介紹比朋友~最鐘意佢地嘅荔枝紅茶，味醇而且有果香氣，罐茶葉仲可以單買添🫖🔸招牌海南雞飯拼海鮮喇沙🔸朋友最想食海南雞飯，呢款仲拼埋個海鮮喇沙，一次過滿足兩個願望！海南雞好滑嫩，啖啖肉配油飯，perfect match👍海鮮喇沙湯底椰奶同香茅味好香濃，唔好睇佢細細碗，其實好足料，有蝦、魷魚、魚片、豆卜、雞蛋等，該有的都有😆🔸馬來西肉骨茶 🔸呢兩日天氣凍返就叫返個肉骨茶暖下胃🤤主食材可以喺排骨、豬手、豬肚、豬腩肉入面任選兩款，仲配咗響鈴、炸魚皮、炸支竹、豆卜同油條。呢度嘅肉骨茶有淡淡嘅藥材香味，湯頭味道偏甜，我地揀咗排骨同有豐富膠原蛋白嘅豬手，兩樣都好入味，豬手都煮到好軟冧。開始食之前，聰明嘅我已經將支竹、豆卜同油條浸落肉骨茶到😎到食完排骨豬手，呢幾款配料就吸盡肉骨茶精華，正😋至於響鈴同炸魚皮就咁食都已經好香脆👍 🔸星洲蠔餅🔸次次嚟都必點蠔餅，呢度蠔餅好多蠔，簡單配搭蛋漿餅底、芫茜同蔥已經非常好味😋煎到外皮脆卜蔔，再沾上少許辣醬或魚露，更加惹味！每樣野都份量十足，食到勁飽，朋友亦相當滿意，仲話要下