影片
更多
2023-08-15
577 浏览
好友外遊回港，相約飯聚兼派手信。記得友人愛吃日本菜，所以就特意選了位於孖沙街嗰間「無敵家」居酒屋。餐廳佔地兩層，裝潢以木系為主調，牆壁上貼滿了日本懷舊海報，加上梯間嘅一埕埕自釀梅酒，佈置充滿昭和復古風，氣氛十足。朋友愛吃魚，點了燒油甘魚鮫 & 鰻魚蒲燒，另外再加咗碗烏冬同炒飯。燒油甘魚魚鮫 ($168) 魚鮫燒得好靚仔，魚皮甘香脆口，魚肉雪白嫩滑，經燒後依然保持濕潤，加上鹽量唔會過多，分佈勻均，入口味道啱啱好，啖啖肉又充滿魚香，毋須蘸點任何醬汁，已非常美味！另外呢客鰻魚蒲燒 ($188) 用料亦相當講究，由選材以至製作一點也不馬虎。鰻魚相當肥美，魚肉厚身飽滿，燒到有微微炭香，入口軟腍又有肉感，加上濃稠帶甜嘅醬汁，味道一流。溫泉蛋牛肉湯烏冬 ($98)，牛肉份量都幾多，唔會太肥；烏冬煮得剛好，入口滑嘟嘟，煙韌彈牙。溫泉蛋外內同樣靚仔，流心狀甚佳，配上清醇嘅湯底，滿足之餘又不會太膩。黑松露三文魚炒飯 ($88) 米飯炒得好香口，粒粒分明，入口帶陣陣黑松露香氣。三文魚下得非常慷慨，分量十足，撈埋面頭嘅三文魚籽一齊食，鮮上加鮮。整體來說，這裡嘅服務非常不錯，店員招呼周到也很有效率，令人
好友外遊回港，相約飯聚兼派手信。記得友人愛吃日本菜，所以就特意選了位於孖沙街嗰間「無敵家」居酒屋。
餐廳佔地兩層，裝潢以木系為主調，牆壁上貼滿了日本懷舊海報，加上梯間嘅一埕埕自釀梅酒，佈置充滿昭和復古風，氣氛十足。
朋友愛吃魚，點了燒油甘魚鮫 & 鰻魚蒲燒，另外再加咗碗烏冬同炒飯。
燒油甘魚魚鮫 ($168) 魚鮫燒得好靚仔，魚皮甘香脆口，魚肉雪白嫩滑，經燒後依然保持濕潤，加上鹽量唔會過多，分佈勻均，入口味道啱啱好，啖啖肉又充滿魚香，毋須蘸點任何醬汁，已非常美味！
另外呢客鰻魚蒲燒 ($188) 用料亦相當講究，由選材以至製作一點也不馬虎。鰻魚相當肥美，魚肉厚身飽滿，燒到有微微炭香，入口軟腍又有肉感，加上濃稠帶甜嘅醬汁，味道一流。
溫泉蛋牛肉湯烏冬 ($98)，牛肉份量都幾多，唔會太肥；烏冬煮得剛好，入口滑嘟嘟，煙韌彈牙。溫泉蛋外內同樣靚仔，流心狀甚佳，配上清醇嘅湯底，滿足之餘又不會太膩。
黑松露三文魚炒飯 ($88) 米飯炒得好香口，粒粒分明，入口帶陣陣黑松露香氣。三文魚下得非常慷慨，分量十足，撈埋面頭嘅三文魚籽一齊食，鮮上加鮮。
整體來說，這裡嘅服務非常不錯，店員招呼周到也很有效率，令人吃得十分滿意。
张贴
